الرئيسية
أحدث الصور
Admin الأربعاء مارس 02, 2011 1:45 pmانا حاقولكوا النهارده على طريقه لعمل بطاطس تحفه وحاتحبيها جدا وولادك كمان ومفيده مغذيه جدا بصو حبايبى حاتجيبى بطاطس على ادك انت وعيلتك وتسلقيها عادى بميه وملح الجديد بقى حاتحطى بيضتين يتسلقوا مع البطاطس ماشى حاقولكو حاتعملو بيهم ايه فى الاخر المهم بعد مالبطاطس تتسلق حاتهريسيها عادى بالشوكه او بطريقتك اللى متعوده عليها وتقشرى فصين تلاته توم ودقيهم وبعدين تجيبى الحله وتحطى حته سمنه بلدى على البوتجاز والتوم فى السمنه يادوب يشم النار وريحته تطلع ما يغمقش وبعدين تحطى البطاطس وملح وفلفل وكمون وفلفل اخضر وشويه لبن عشان تبقى طريه وبتديها طعم حلو وممكن تضيفى جزره مبشوره لو عايزه انا ما بضفش تقلبيتن كده خلاص حانجيب البيضتين بقا فكرينهم جه وقتهم تقشريهم وبقطاعه البيض ياريت عشان الشكل او تقطعيها انتى حتت تغرفى البطاطس والبيض المسلوق على وش الطبق وشويه ملح خفيف وفلفل اسمر وبالف هنا وشفا على فكره والله سهله جدا وطعمها تحفه انا بنتى مابنتاكلش البيض غير فى الاكله دى بس وممكن تعمليها فى العشا وياريت اللى تعجبها ماتنسنينيش بدعوه حلوه والتقييم بقى ههه
